16.         சங்கராபரணம்                       ஏகதாளம்

பல்லவி

                   பெத்தலேகேம் ஊரோரம் சத்திரத்தை நாடி

அனுபல்லவி

                        கர்த்தன் இயேசு பாலனுக்கு துத்தியங்கள் பாடி

                        பக்தியுடன் உத்தமியே வாடி                          - பெத்தலேகேம்

1.         காலம் நிறைவேறினபோ திஸ்திரியின் வித்து

            சீலகன்னி கற்பத்தாவியாலே உற்பவித்து

            பாலனான ஏசு மேசியாவே                                           - பெத்தலேகேம்

2.         எல்லை இல்லா ஞானபரன் வெல்லை மலையோரம்

            புல்லனையிலே பிறந்தார் வெல்லையின் கெம்பீரம்

            தொல்லை மிகும் அவ்விருட்டு நேரம்                            - பெத்தலேகேம்

3.         வான் புவி ஆள்ராஜனுக்கு மாட்டகந்தான் வீடோ

            வானவர்க்கு வாய்த்த மெத்தை வாடின புல் பூண்டோ

            தானே பழம் கந்தையல்லோ மானே                          - பெத்தலேகேம்

4.         அந்தரத்தில் பாடுகிறார் தூதர் சேனை கூடி

            மந்தை மேய்ப்பர் ஓடுகிறார் பாடல் கேட்கத் தேடி

            இன்றிரவில் என்ன இந்த மோடி                                    - பெத்தலேகேம்

5.         ஆட்டிடைய ரஞ்சுகிறார் அவர் மகிமை கண்டு

            திட்டமுடன் காபிரியேல் சொன்ன செய்தி கேட்டு

            நாட்டமுடன் ரட்சகரைக் காண                                    - பெத்தலேகேம்

6.         இந்திரியோடு கண்டரசர் மூவர் நடந்தாரே

            சந்திர தூப போளம் வைத்து சுதனைப் பணிந்தாரே

            விந்தையது பார்க்கலாம் வா ஓடி                                  - பெத்தலேகேம்