இன்னம் நீ என்ன செய்கிறாய்

127. முகாசி             ஆதி தாளம்   (107)

பல்லவி

                   இன்னம் நீ என்ன செய்கிறாய்

                   குணப்படாமல், தாமதமென்ன - ஓ பாவி

1.         உன்னதத்திருந்த இயேசு இந்நிலத் தவதரித்து

            உன்னை மீட்க வந்தாரல்லவா - ஓ பாவி

2.         அண்டபகிரண்டந்தனை ஆளுகின்ற வல்லசுதன்

            தொண்டருக்காக மரித்தாரே - ஓ பாவி

3.         வல்லபிதா தம்மகனை உள்ளத்தில் நினைப்பவர்க்க

            சொல்லரும் பதவி ஈவாரே - ஓ மனமே

4.         சிங்கம்போலவே பிசாசு அங்குமிங்கு முன்னைச்சுற்றி   

            பங்கப்படுத்தப் பார்க்குதே - ஓ மனமே

5.         வல்ல பஞ்சபட்டயமும் கொள்ளை நோயு முன்னுடைய

            வல இடபக்கம் செல்லுதே - ஓ மனமே

6.         தோழர்கள் தூஷிப்பாரென்று தூரமாக நில்லாதே

            ஆவலோடெழுந்து வாராயோ - ரட்சிப்படைய

7.         ரட்சண்ணிய செய்திகொண்டு தேவதாசர் வந்து நின்று

            ஓதுவார்கள் நீதியைத்தானே - ஓ பாவி

8.         ஒவ்வொரு நாளும் உன் காதில் ரட்சிப்பின் தொனி தொனிக்க

            இன்னமும் நீ தாமதிப்பதேன் - ஓ பாவி