உலகையோர் நிலை என்றெண்ணாதே - க்ஷணம்

151.  இராகம் (காலமே தேவனைத் தேடு)                                             (124)

மோகனம்                                                                    ரூபக தாளம்

பல்லவி

          உலகையோர் நிலை என்றெண்ணாதே - க்ஷணம்

          ஒழிந்துபோம் உன்னோடோரடியும் வராதே

அனுபல்லவி

            பலமாக பொக்கிஷம் பரத்திலே நாடு

            பத்திரமாயங்கு இருக்குதே வீடு

1.         நிலையாது செல்வம் எந்நாளும் - அவை

            நீர் குமிழிகள் போல நிமிஷத்தில் நையும்

            உலையின் மெழுகுபோல் உருகுமே மெய்யும்

            உந்தனின் ஜீவனைப் பிரிக்குமே வீயும்

2.         தீரம், புகழ், கீர்த்தி நாசம் - மற்றும்

            சேயர் மனைவி சிநேகிதர் வேஷம்

            தாரணி முற்றுமே தவிர்த்திடு மோசம்

            சார்ந்திடில் ஆன்மாவுக்கென்றுமே தோஷம்

3.         வானத்தின் கீழ் யாவும் பண்டு - சால்மோன்

            மாயை என்றுரைத்ததை மறவாதே கண்டு

            தானத்தோ டேசுவைத் தப்பாமல் அண்டு

            சாலோக நித்திய பேரின்பமுண்டு.