பாவநாசகரேசு பாடுபட்டுயிர்த்தார்

86.  இராகம் 
(ஜிவநாயகரிதோ சிசுவாக)                      (71)

பல்லவி

          பாவநாசகரேசு பாடுபட்டுயிர்த்தார்

          பாதாளம் விட்டேறி பரத்துக்கேகிட

அனுபல்லவி

            தேவசமுகம் கண்டு சிறப்பாய் வீற்றிட

1.         பாவிகளுக்காக பரனிடத்திலே பரிந்துபேசி பாக்யம் பகிர்ந்தளிக்கவே

            விரைந்துவாரும் போவோம் விமலனைப் பார்க்க            - பாவ

2.         எல்லாம் ஜெயங்கொண்ட ஏகசக்ராதிபதி

            நல்லார் மனதைத் தேற்ற நாதன் உயிர்த்தாரே

            பொல்லாங்கோனை மீட்கப் பொறுமையாயிருந்து           - பாவ

3.         மண்ணிலிருந்தெழுந்து விண்ணுக்குச்செல்ல

            மகிமையான தேவன் ஜெயமாக உயிர்த்தார்

            ஆ என் நேசா நீயும் ஆயத்தமாகு                                  - பாவ

4.         சாவின் பள்ளத்தாக்கைத் தாமாக ஜெயித்து

            பேயின் தலையை வென்ற பிதாசுதன் உயிர்த்தார்

            பூவின் மனுடோர்க் கெல்லாம் புண்யமளித்திட               - பாவ

5.         வானமண்டல வீட்டின் லோகத்திற்கு வர

            கோனான் ஏசுராஜன் ஆயத்தமாகிறார்

            அதால் நேசா நீயும் ஆயத்தமாகாயோ                           - பாவ

6.         அதோ பார்க்கும் யாரும் பயந்து நடுங்கிட

            இதோ சீக்கிரம் ஏசு வருவேன் என்கிறார்

            அதால் பாவி அவர் அருகில் ஓடிவா                             - பா