பவனி செல்கின்றார் ராஜா

49.         யமுனா கலியாணி        ரூபக தாளம்

பல்லவி

                   பவனி செல்கின்றார் ராஜா - நாம்

                        பாடிப்புகழ்வோம் நேசா.

அனுபல்லவி

            அவனிதனிலே மறிமேலேறி ஆனந்தம் பரமானந்தம்                  - பவனி

1.         எருசலேமின் பதியே சுரர் கரிசனையுள்ள நிதியே

            அருகில் நின்ற அனைவர் போற்றும் அரசே எங்கள் சிரசே!        - பவனி

2.         பன்னிரண்டு சீஷர் சென்று, நின்று பாங்காய் வஸ்திரம் விரிக்க

            நன்னயஞ்சேர் மனுவின் சேனை நாத கீதம் ஓத.                        - பவனி

3.         குருத்தோலைகள் பிடிக்க, பாலர் கும்புகும்பாகவே நடிக்க

            பெருத்த தொனியாய் ஓசன்னாவென்று போற்ற மனந்தேற்ற.         - பவனி

4.       பெரியோர்களும் தடுக்க, நல்ல வறியோர்களும் அடுக்க

          தெரியாதோறும் ஆவியாலே தேட அருள் நீட                          - பவனி

5.       வேதபாரகர் மயங்க தம் வேத சாஸ்திரம் இலங்க

          பாதகமதைத் தொலைக்கும் யேசுபாலன் தேவசீலன்                 - பவனி