பொன்னின் கிரீடம் வெண்ணங்கி-வென்றோனுக்கல்லோ

109. ஆனந்தபைரவி (காலமாதாயப்படுத்து)                      ரூபக தாளம்

பல்லவி

          பொன்னின் கிரீடம் வெண்ணங்கி-வென்றோனுக்கல்லோ

          பூட்டுவார் சீயோனின் பாங்கி - நல்ல

அனுபல்லவி

            மன்னன் கிறிஸ்து மணவாளராம் ஏசுராஜன்

            மின்னல் ஒளியாய் வரும் வேளை சமீபிக்குதே

1.         போராட்ட நாட்களிதல்லோ - பகைஞரெல்லாம்

            பொல்லாப்பாய் நிற்கிறாரல்லோ

            மாறாட்டக்காலமிதல்லோ-அன்பு குறைந்து

            மாய்மாலம் பெருகுமல்லோ

            வாறார் கிறிஸ்து இருவாளாயுதம் வீசி

            பேராசைப் பாவிகளை நீற்றுமன்பரின் வாசர்

2.         காலம் கடத்திவிடாதே கண்ணீர் விட்டாலும்

            காண்பாயோ சென்ற நாட்களை

            ஜாலங்கள் செய்து நில்லாதே - மரணம் வந்தால்

            தாமதம் சொல்ல ஏலாதே

            வாலவயதும்மாய்கை மண்ணின் பொருளுமாய்கை

            சீலமுடனே வேத ஆகமம் அதை எடு

3.         துன்பம் முடியப்போகுதே - சுற்றத்தார் செய்யும்

            தொல்லை முடியப்போகுதே

            வம்புகள் நீங்கப்போகுதே - பாவங்கள் யாவும்

            விண்ணில் முடியப்போகுதே

            இன்பம் துவக்கப்போகுதே எங்கும் மகிமையாக

            துங்காதி துங்கர் தொழும் ஜோதியரைப் புகழ்வோம்

4.         முந்தின ஆதாம் மரித்து - கிறிஸ்துவேனும்

            பிந்தின ஆதாம் பிறந்து

            சிந்தின ஜோதியாலே - நம்மை முழுதும்

            திட்டற சுத்திகரித்து

            அந்தி சந்தி மதியம் எந்த நேரமும் ஜெபம்

            புத்தியுடனே செய்து கெஞ்சி மன்றாடி நிற்போம்