அந்தோ சிலுவைப் பவனி பார் ஜோதி

69.                                                                             (257)

சரணங்கள்

1.       அந்தோ சிலுவைப் பவனி பார் ஜோதி

            ஆண்டவர் படுந்துயர் ஆறுமோ

            நான் அழுதாலுந்தான் தீருமோ

            குருசன்றி மீட்பு ஒப்பேறுமா - சகி, சகி

2.         தோளில் பாரம் அழுத்தவே - அவர்

            தொய்ந்து கீழே விழுகிறார் - ஐயோ

            தூக்கிவிடுவாரில்லையோ - மாதா

            என்னால் வந்த தொல்லையோ - சகி, சகி

3.         தூக்கென்றவரை அதட்டுறான் - ஒரு

            தோஷி முறுக்காய் பிதற்றுறான் - அங்கே         

            துடுக்காய் சவுக்கை சுழற்றுறான் - ஒருவன்

            தொந்தரவு செல்தலட்டுறான் - சகி, சகி

4.         மெள்ள ஏசு நடக்கிறார் - வேர்த்து

            மெய்சோர்ந்து மிக சடைகிறார் - தம்மை

            விருப்போடு பலியாய்ப் படைக்கிறார் - என்

            அடைந்த பாவக்கடன் அடைகிறார் - சகி, சகி

5.         மாதா ஏங்கித் தேம்கினாள் - நன்மை

            வாங்கினோர் புலம்பி ஏங்குறார் - சீமோன்

            மனம் சோர்ந்து குருசை தாங்குறான் - ஐயோ

            மறுகி யோவான் முகம் வீங்குறான் - சகி, சகி

6.         சோலையில் வந்த பாவத்தால் - இதோ

            சாலைவழியே போகிறார் - அலங்

            கோலமாகி என்னால் சாகிறார் - தேவ

            கோபாக்கினையில் வேகிறார் - சகி, சகி

7.         கல்வாரி மலையில் ஏறுகிறார் - மிக

            கருகி அன்னம் பருகிறார்- துயர்

            காதல் மறுகியே சாகிறார் - பின்னும்

            காருண்ய மொழிகள் கூறுகிறார் - சகி, சகி

8.         பாறை சூடோ எரிக்குதே - திரு

            பாதம் நெய்யாய் பொழியுதே - வான

            பரனார் கிளைகள் தெரிக்குதே - கண்டு

            பரதேசி ரத்னம் கண் கரிக்குதே - சகி, சகி