ஐயோ என் செல்வச்சீராள சிகாமணியை

64. செஞ்சுருட்டி             சாப்பு தாளம்  (55)

3-ஆம் வார்த்தை

1.       ஐயோ என் செல்வச்சீராள சிகாமணியை

                        சிலுவையில் மடிய விட்டு - ஓகோ

            கொடுமையாய் அடிமை நான் குவலயமீதினில்

                        கூவென்றலறி நிற்கின்றேன்

2.         பெற்றதில்லையென்று பெண்கள் நகைத்தாலும்

                        பேதை துயரில்லையோ - ஓகோ

            பெற்றதினால் மெத்தப் பெருந் துயர் வாதைகள்

                        பெரிதாயடையலாச்சோ

3.         பாரினில் உள்ள பெரியோரின் பெண்களும்

                        பார்த்தெதிர் காத்திருக்க - ஓகோ

            பாவி என் வயிற்றினில் பெரும்பாடடைவோ

                        பரனார் வந்துதித்தார்

4.         அன்று சம்மனசு கிருபை பெற்றவளென்றார்

                        இதுவோ கிருபையம்மா - ஓகோ

            அன்று சிமியோன் சொன்ன மொழி தவறாமலே

                        வந்து பலித்ததுவே

5.         மூன்றரை ஆண்டாக முக்கிய நன்மைகள்

                        மிகப்பெற்ற யூதாசே - ஓகோ

            முப்பது வெள்ளிக்காய் முத்தமிட்டு அங்கே

                        மூர்க்கரைக் கூட்டி வந்தாய்

6.         ஐயோ பிலாத்துவே அநியாயத் தீர்ப்பிட்டாய்

                        ஆறுமோ என் மனது - ஓகோ

            பரபாசை விட்டுப் பின் பரனைக் குருசறையக்

                        கரமது கழுவினையோ

7.         எருசலேம் வீதியில் குருசோடு சென்ற என்

                        செல்வக் குமாரனெங்கே - ஓகோ

            எருசலேம் மாதரே என் இயேசு நாதரை

                        இங்கு வரக் கண்டதுண்டோ