நமக்கொரு பாலகனார் பிறந்திருப்பதை பாரும்

32.         இராகம் (இந்தக் குழந்தையை நீர்)

பல்லவி

          நமக்கொரு பாலகனார் பிறந்திருப்பதை பாரும்

அனுபல்லவி

            கர்த்தத்துவத்தையுமே தோளில் அணிந்தவராய்

1.         அதிசயமானவராய் அந்த லோகத்தை விட்டு

            ஆதி வாக்குப்படியே அன்னை மரியாளிடம்                  - நமக்கொரு

2.         ஆலோசனைக் கர்த்தாவாய் அந்த லோகத்தை விட்டு

            பூலோகத்தினிடத்தில் புனித மரியாளிடம்                     - நமக்கொரு

3.         வல்லமையுள்ள தேவன் வயங்கி மண்டலம் விட்டு

            புல்லணை மீதினிலே புனித மரியாளிடம்                       - நமக்கொரு

4.         நித்திய பிதாவென்றும் நிறைந்த நீதியணிந்த

            சத்திய வாசகராய் சங்கை மரியாளிடம்                         - நமக்கொரு

5.         சமாதானப் பிரபுவாய் சங்கை மிகுந்த தேவன்

            சார்ந்த இப்பூவுலகில் தாயார் மரியாளிடம்                     - நமக்கொரு

6.         நீதிமான்களை யல்ல நீசப் பாவிகளைத்தான்

            புதிதாய் சிருஷ்டிப்பதற்கு புனித மரியாளிடம்                - நமக்கொரு

7.         பங்கப்படும் பாவியைப் பாதுகாக்கும் அந்த

            சங்கை மிகுந்த தேவன் சாந்த மரியாளிடம்                  - நமக்கொரு

8.         தேவ தன்மையுடனே மனுஷ தன்மையும் கூடி

            ஜீவ தண்ணீர் சுரக்க சிறந்த மரியாளிடம்                      - நமக்கொரு