விண்ணோர் பிரானார் மகா மகிமை

27.         செஞ்சுருட்டி                               ஆதி தாளம்

பல்லவி

                   விண்ணோர் பிரானார் மகா மகிமை

                        விளங்கும் வஸ்து இன்றுதித்தாரே

அனுபல்லவி

            மண்ணோர் புரிந்த பொல்லாப் பறவே மாடடை வீட்டில் சேயாய் வந்தாரே

1.         சீராரிஸ்ரவேல் ஜெயத்தின் மீட்பும்

                        திரள் யாக்கோபின் வெற்றியுமான

            பேராரும் யூதாவின் சிங்கமானோர்

                        பெத்லேக மூரில் பக்தர்கள் துள்ள          - விண்ணோர்

2.         முன்னோர்கள் வாஞ்சையா யெதிர் பார்த்த

                        மூவா முதல்வன் தானமிவரே

            மன்னன் தாவீது கோத்திர பூபன்

                        மாமரி யன்னை பாலனிவரே                   - விண்ணோர்

3.         மரண அந்த காரத் தமிந்த

                        மாந்தர்க்கு விந்தையான மன்னாவே

            கருணைமுந்த காட்சியா யிந்த

                        காலத்தில் சந்தித்தாரன் பாகவே          - விண்ணோர்

4.         வெல்லையருகில் மேய்ப்பர் தமக்கு

                        மேன்மையாய் ஜோதிதான் தென்படவே

            நல்ல ஆய்ர்கள் கண்டு மருள

                        நற்றூதன் வந்து தேறுதல்கூற               - விண்ணோர்

5.         விண்ணோர்கள் ஏகமாகப் பண்பாட

                        பண்பாயிடையர் வந்தன் பாய்தேட

            விண்ணிலோர் வெள்ளி மேன்மையாய் தோன்ற

                        வேந்தர் காணிக்கை மின்கழல் பூண     - விண்ணோர்