நாம் நற்சுகமாய் பெத்லேம் நகர் பொய் திரும்புவோம்

13         செஞ்சுருட்டி                   ஆதி தாளம்

பல்லவி

          நாம் நற்சுகமாய் பெத்லேம் நகர் பொய் திரும்புவோம்

அனுபல்லவி

                        இதோ வாரும் போவோம் ஜல்தி - நாம்

1.         என்றும் கேளா வானகீதம் இன்று கேட்குதே - அது

            இன்றுமுதல் எங்கள் துயர் என்றும் நீக்குதே                   - இதோ

2.         யூதேயா தேசம் தாவீது வேந்தன் கிளையில் - இது

            ஏதையா இதுவிசேஷம் இந்த நாளையில்                    - இதோ

3.         வானபரன் கிருபையினால் ஞானமாகவே - நர

            ரானமகா தாழ்மையைப் போய் பார்த்துவரவே                 - இதோ

4.         ஆதிமனுடர்கள் புவிபாவம் தீர்ப்பதாய் - பரஞ்

            ஜோதி புவி வந்தாரே இதன் பின் ஆழமே                      - இதோ

5.         சங்கீதத் தொனியாய் வளர் பெத்லேம் ஓடுவோம் - மகிழ்

            கெம்பீரத்தோடெக்காளமாய் கீதம் பாடுவோம்                - இதோ

6.         ஊக்கமிகும் திருச்சபையோர் குருக்கள் மார்களும் - இனி

            நீக்கமில் சமாதானமாய் நிலைத்து வாழவே                   - இதோ