Tamil Christian Songs: வானத்துல ஒரு நட்சத்திரம்

09 December 2025

மேலும் அதிக பாடல்களுக்கு

வானத்துல ஒரு நட்சத்திரம்

ஜொலிக்குதே வழி திறக்குதே

நட்ட நடு சாமத்திலே பிறக்குதே

ஒளி பிறக்குதே

வாருங்க வானத்து சொந்தங்களே

இந்த அதிசயத்தை பாருங்களே - (2)

பச்ச கொழந்தையாக தெய்வமே

வந்து பொறந்திருப்பத பாடுங்களே - (2) - வானத்துல

1. கண்மணியே கண்ணாளனே

பேரழகே பெட்டகமே

பொன்னாரமே பூவாரமே

சிங்காரமே செந்தூரமே - 2

சத்திரத்தில் சித்திரமே

சாய்ந்தாட வந்தாயோ - (2)

சத்தியமே சந்திரனே

சந்தோஷமே தந்தாயோ - (2)

வாக்கு மனிதராக

நம்மோடு குடிகொள்ள - 2

இம்மானுவேலாக இம்மானுவேலாக

இம்மானுவேலாக இம்மானுவேலாக - வானத்துல

2. மார்கழியின் குளிரினிலே

மாமரியின் மடியினிலே

பால் வடியும் பூமுகமே

பாலகனே தாலேலோ - 2

முத்தழகே முத்தமிழே

மூலவனே காவலனே - (2)

முத்துமணி ரத்தினமே

மூவுலக அதிசயமே - (2)

காலம் நிறைவேறவே

கடவுள் தேடி வந்தாரே - 2

ஆராதிப்போமே ஆராதிப்போமே - அவரை

ஆராதிப்போமே நாம் ஆராதிப்போமே - வானத்துல

- Fr. G.V. Panneer Selvam