Tamil Christian Songs: விண்ணுலக தேவன் மண்ணுலகம் வந்தார்

11 December 2025

மேலும் அதிக பாடல்களுக்கு

விண்ணுலக தேவன் மண்ணுலகம் வந்தார்

பூமியில் சமாதானம் தரப் பிறந்தார்

தூதர்கள் பாடிட, மேய்ப்பர்கள் போற்றிட

இரட்சகர் இயேசு பிறந்துவிட்டார் - 2

இயேசு அதிசயமானவர் இவர்தானே!

இயேசு ஆலோசனைக் கர்த்தர் இவர்தானே! - 2

கர்த்தாதி கர்த்தரும், வல்லமை தேவனும்,

நித்திய பிதாவும் இவர்தானே! - 2 - விண்ணுலக

1. தீர்க்கன் முன்னுரைத்த வாக்குப்படி

இயேசு பாலகனாய் பிறந்துவிட்டார்

இம்மானுவேலர் நம்மோடிருக்க

நம் பாவங்களை போக்கிவிட்டார் - 2

பாவங்கள் போக்கினார், சாபங்கள் நீக்கினார்,

இரட்சிப்பின் சந்தோஷம் நமக்கு தந்தார் - 2 - விண்ணுலக

2. அன்று மேய்ப்பர்கள் மந்தையை காத்திருக்க

தூத சேனைகளெல்லாம் வாழ்த்திப் பாடிட

இயேசு இரட்சகராய் பிறந்துவிட்டார்,

நம் சாபங்களை நீக்கிவிட்டார் - 2

தாவீதின் ஊரிலே பெத்லகேமிலே

நமக்காய் இயேசு அவதரித்தார் - 2 - விண்ணுலக

3. விண்மீன்கள் வழி நடத்திடவே

வான சாஸ்திரிகள் பின்தொடர்ந்திடவே

தேவகுமாரன் இயேசு பிறந்துவிட்டார்,

நம் நோய்களெல்லாம் சுகமாக்கிவிட்டார்

இரட்சகர் பிறந்திட்டார், இரட்சிப்பை தந்திட்டார்,

உன்னத அருணோதயம் உதித்துவிட்டார் - 2 - விண்ணுலக

- Pr. Edwin Sudhakar (Church Of God Full Gospel in India)