Tamil Christian Songs: ஈசாயின் அடிமரமே

19 December 2025

மேலும் அதிக பாடல்களுக்கு

ஈசாயின் அடிமரமே

நேசா நீர் அதன் கிளையே - 2

ஏசாயா உரைத்திடும் மெய்ப்பொருளே

ஏதென்று அறிந்திடுவோம்

திகழும் ஜோதி தவழும் காட்சி

புகழ் நற்செய்தியே மகிழ்ச்சி

ஏக புதல்வன் தேவகுமாரன்

இயேசு கிறிஸ்திவரே

1. யூதாவின் பால சிங்கம்

நாதா உம் நாமமோங்கும் - 2

யாக்கோபில் உதிக்கும் ஓர் நட்சத்திரம்

யார் என்று விளம்பிடுவோம் - திகழும்

2. தாவீதின் ஊர்தனிலே

தாயார் மரி மகனே - 2

வான பரன் பிறந்தார் அதனை

வாரும் சென்றுரைத்திடுவோம் - திகழும்

3. வானோர் பராபரனே

ஏனோ வந்தார் புவியே - 2

பாவியின் அடைக்கலமாய் உதித்தார்

பாரும் நாம் வணங்கிடுவோம் - திகழும்

4. ஆலோசனைக் கர்த்தரே

அதிசயமானவரே - 2

கர்த்தத்துவம் அவர் தோளிலுண்டே

கண்டே இன்றுணர்ந்திடுவோம் - திகழும்

5. செங்கோலும் யூதாவிலே

மங்கி மறைந்திடாதே - 2

சமாதான கர்த்தர் வருமளவும்

சேர்ந்தென்றும் முழங்கிடுவோம் - திகழும்

- சாராள் நவரோஜி