Tamil Christian Songs: கேட்டேன் கேட்டேன் இன்று

06 June 2023

இப்பாடலின் கானொளியை முகநூலில் காண...

கேட்டேன் கேட்டேன் இன்று

எப்போது என் இயேசு வருவார் என்று

பார்த்தேன் பார்த்தேன் பார்த்தேன் இன்று

எப்போது தரிசனம் தருவார் என்று

1. வானத்தைக் கேட்டேன்

எப்போது என் இயேசு வருவார் என்று

அது வாடியே போனது தெரியாது என்றது

காரணம் அவர் வருகையில்

வெந்து அழிந்து போவோம் என்று

2. கடலினைக் கேட்டேன்

எப்போது என் இயேசு வருவார் என்று

அது கதறியே அழுதது தெரியாது என்றது

காரணம் அவர் வருகையில்

வெட்டாந்தரையாய் போவோம் என்று

3. மலைகளைக் கேட்டேன்

எப்போது என் இயேசு வருவார் என்று

அது மலைத்தே நின்றது தெரியாது என்றது

காரணம் அவர் வருகையில்

பெயர்ந்து நொறுங்கிப் போவோம் என்று

4. மேகத்தைக் கேட்டேன்

எப்போது என் இயேசு வருவார் என்று

அது வேகமாய் சென்றது தெரியாது என்றது

காரணம் அவர் வருகையில்

வாகனமாக வருவோம் என்று

5. தூதரைக் கேட்டேன்

எப்போது என் இயேசு வருவார் என்று - தேவ

அவர் ஆனந்தம் கொண்டனர் தெரியாது என்றனர்

காரணம் அவர் வருகையில்

தாங்களும் கூட வருவோம் என்று

6. இயேசுவைக் கேட்டேன்

எப்போது தேவா உம் வருகை என்று

அவர் அமைதியாய் நின்றார் தெரியாது என்றார்

இந்நாட்களிலே வருகையின் நாட்களிலே

ஒருவரும் அறியார் என்றார் - ஆனாலும்

இதோ சீக்கிரமாக வருகிறேன் என்றார்