Tamil Christian Songs: விசுவாச பாதையில் தினமும் நடந்திடுவேன்

08 January 2026

விசுவாச பாதையில் தினமும் நடந்திடுவேன்

நியமித்த ஓட்டத்திலே தொடர்ந்து ஓடிடுவேன் - 2

பாடுகள் என்ன செய்யும்

துன்பங்கள் என்ன செய்யும் - 2

எதுவும் என்னை அசைப்பதில்லை

அன்பை விட்டு பிரிப்பதில்லை - விசுவாச

1. வார்த்தை என்னும் மாத்திரையை

தினமும் சாப்பிடுவேன் - 2

வாழ்நாளெல்லாம் சுகமாகவே

வாழ்ந்து பெலனடைவேன் - 2

உம் தழும்புகளாலே சுகமானேன்

வார்த்தையினாலே பெலனானேன் - 2 - பாடுகள்

2. கர்த்தருக்குள் எப்பொழுதும்

சந்தோஷமாயிருப்பேன் - 2

கிறிஸ்துவுக்குள் நிலைத்திருந்து

கனிகள் கொடுத்திடுவேன் - 2

நல்ல நிலத்தின் விதை போல

நூறு மடங்கு பலன் கொடுப்பேன் - 2 - பாடுகள்

3. விசுவாச கப்பலிலே

பயணம் செய்கின்றேன் - 2

போர்ச் சேவகனாய் பணி செய்து

ஓட்டத்தை முடித்திடுவேன் - 2

நீதியின் கிரீடம் எனக்கு உண்டு

நிரந்தர வாழ்வு எனக்கு உண்டு - 2 - பாடுகள்