Tamil Christian Songs: துதி உமக்கே இயேசு நாதா

25 April 2024

துதி உமக்கே இயேசு நாதா

வாழ்த்திடுவோம் உம்மையே

நித்தமும் காக்கும் உம் கிருபைகளையே

எண்ணியே துதித்திடுவோம்

1. ஆதி அந்தமில்லா அனாதி தேவனே

அடைக்கலமானீர் எமக்கு நீரே

மாறா விசுவாசத்தை எமக்கு தந்தீரே

எண்ணியே துதித்திடுவோம் - துதி

2. கடந்த நாளெல்லாம் வழுவாமல் எம்மை

காருண்யத்தாலே காத்தீரே

வல்ல தேவனே உம் வாக்குகளையே

எண்ணியே துதித்திடுவோம் - துதி

3. தாயினும் மேலாய் அன்பு கூர்ந்தீரே

தந்தை போல் எம்மைச் சுமந்தீரே

ஜீவனை தந்த உமது அன்பினையே

எண்ணியே துதித்திடுவோம் - துதி

4. ஜெயம் பெற்றோராய் சேவை செய்து

ஜீவனை வைத்தே துதித்திடவே

நித்திய ஜீவனை எமக்கு தந்தீரே

எண்ணியே துதித்திடுவோம் - துதி

5. உன்னதர் உந்தன் மகிமையைக் காண

சீயோனை எமக்குக் காட்டினீரே

இயேசுவே உந்தன் வருகையின் நாளை

எண்ணியே துதித்திடுவோம்

https://www.youtube.com/watch?v=Mb_B23FFReQ

https://www.youtube.com/watch?v=dROcdE9ua-M