Tamil Christian Songs: தினம் தினம் பாடும் என் மனம் தேவன் உன் வரவே

24 April 2024

தினம் தினம் பாடும் என் மனம் தேவன் உன் வரவே

தீவினைகள் தீர்த்தவனே

தன்னை பலியாக தந்திட வந்த மன்னவனே

என் உள்ளம் இசை பொழியும் - தமிழும்

எழில் நடம் புரியும்

1. ஏழு ஸ்வரம் ஏசு நாதனே தந்தாய்

என்ன சுகம் அதில் மூழ்கிடச் செய்தாய் - 2

எண்ணில்லா ராகங்கள் நிதம் கொடுத்தாய் (2)

உன்னைப் பாடும் பாடலில் வாழ வைத்தாய்

காலைக் கதிர்களின் மஞ்சள் வெயில் சுகம்

கற்பனையல்ல உன் கோலம்

மாலை மயங்கிடும் வேளை வரும் மதி

மாயவன் உன் திரு ஜாலம் - 2

விந்தை நீ செய்த இந்த மண் பார்க்க

வந்தாயோ வந்துன்னைத் தந்தாயோ சரிகபதச - தினம் தினம்

2. பாலையில் பாய்கின்ற நதியென வந்தாய்

சூளைக்குள் செங்கமல பூ மலர்ந்தாய் - 2

நாலுக்குள் இரண்டொடுங்கும் நயம் கொடுத்தாய் (2)

நான் உன்னைப் பாட நல் தமிழ் கொடுத்தாய்

நாளொரு பாடலும் பொழுதொரு ராகமும்

நாத லயங்களும் தந்தாய்

யாழொடு தாள நடையொடு நான் ஒரு

யாகம் நடத்த மகிழ்வாய் - 2

மோகனம் பாடி தோரணம் போட்டு

மன்னா நீ வந்ததால் பாடுவேன் - சரிகபதச - தினம்

https://www.youtube.com/watch?v=VInWKA4Trmc