ஆண்டு முழுதும் என்னை அரவணைத்து வந்த

To Download Txt Lyrics file

 

Youtube Link

 

          ஆண்டு முழுதும் என்னை அரவணைத்து வந்த

            அப்பா உந்தன் அன்பை நினைக்கிறேன்

            அற்புதமாய் அதிசயமாய் வழி நடத்தி வந்த

            அன்பை எண்ணி நன்றி சொல்லுகிறேன் - 2

 

                        நடத்தி வந்தீரே நடத்தி வந்தீரே

                        நன்றி சொல்லி துதிக்கிறேனையா

                        சுமந்து கொண்டீரே தோளில் சுமந்து கொண்டீரே

                        உள்ளம் உணர்ந்து துதிக்கிறேனையா - (2)

 

1.         தடைகள் வந்த போதெல்லாம்

            தடைகள் நீக்கும் தெய்வமாய்

            எனக்கு முன்னே சென்றவர் நீரே

            தாங்க முடியாத பலவீனம்

            தாக்க எதிர்த்து வந்த போது

            தாங்கிக் கொண்ட தெய்வம் நீரே - 2 - நடத்தி

 

2.         தனித்து நின்ற போதெல்லாம்

            தவித்து நின்ற போதெல்லாம்

            தகப்பனாக தேடி வந்தீரே

            வெறுமையாய் போகாமலும்

            வெட்கப்பட்டு போகாமலும்

            வெற்றிச்சிறந்து வாழவைத்தீரே - 2 - நடத்தி

 

3.         வாக்கு தந்த தெய்வமாய்

            வாக்கு மாறா நேசராய்

            வழிகள் எல்லாம் கூட வந்தீரே

            வல்ல செயல்கள் கண்டதால்

            நல்ல கிருபை பெற்றதால்

            நன்றியோடு துதிகள் செலுத்துவேன் - 2 - நடத்தி

 

                        காலமெல்லாம் என்னை கரம் பிடித்து நடத்தும்

                        அப்பா உந்தன் அன்பை நினைக்கிறேன்

                        அற்புதமாய் அதிசயமாய் வழி நடத்தி வந்த

                        அன்பை எண்ணி நன்றி சொல்லுகிறேன் - 2

 

 

- Pas. Stephan Arul Raj