Tamil Christian Songs: நம்புகின்றாயா நம்புகின்றாயா கர்த்தரின்

05 August 2024

நம்புகின்றாயா நம்புகின்றாயா?

கர்த்தரின் புய

வலிமை ...யை ... நீ ..

இளங்கிளையைப் போலவே

வரண்ட நிலத்திலே

துளிர்கிற வேர்ப்போல எழுந்து

வருகிறார் - நம்பு

1. புறக்கணிக்கப்பட்டுத் துயரம்

நிறைந்து

பாடுகள் அனுபவித்தார்

அவரை விட்டு நமது முகங்களை

நாம் மறைத்து

அவரை மறந்திருந்தோம்;

அவர் மறக்கவில்லை - நம்பு

2. மெய்யாய் அவர் நமது

பாடுகளை ஏற்றார்

துயரங்களைச் சுமந்தார்

நம்முடைய பாவச்செயல்களை

அவர் சுமந்தார்

அவரது தழும்புகளால் அமைதி

பெறுகிறோம் - நம்பு

3. ஆடுகளைப் போல வழி

தவறித் திரிந்து

அவரவர் வழி போனோம்

கர்த்தரே நம்முடைய

அக்கிரமங்களை எல்லாம்

அவர்மேல் விழச் செய்தார்

அடியார்களைக் காத்தார் - நம்பு

4. தமது ஆன்மாவை

மரணத்திலே ஊற்றித்

தாமே பலியானார்

அவர் தமது ஆன்மா

வருந்திய தோர் பலனை

அவனியிலே காண்பார்

கண்டு மகிழ்ந்திடுவார் - நம்பு