நாதா சிறுவரின் பண் கேள் ஐயா

மேலும் அதிக பாடல்களுக்கு

 

 

 

 

 

98. இராகம்: மலையாமி.                                                                                                      தாளம்: ரூபகம்.

 

                        பரிசுத்த சீமோன் யூதா திருநாள் - அக்டோபர் 28ஆம் நாள்

 

          “தேவா திருக்கடைக்கண் பார் ஐயா” - என்ற மெட்டு

 

                             பல்லவி

 

                   நாதா, சிறுவரின் பண் கேள் ஐயா!

                   பவம் தீர் ஐயா, பவம் தீர் ஐயா

 

                             அனுபல்லவி

 

                        வேதா கிறிஸ்து இயேசு போதா பரிந்து பேசு - நாதா

 

                             சரணங்கள்

 

1.         சீமோன் யூதா திருநாள், சேவித்தோம் இதோ பெருநாள்

            ஆமென் அல்லே லூயா வென்போமே ஐயா - சுவாமி - நாதா

 

2.         பக்தி வயி ராக்கியத்தால், பாருளோர் செலோத்தே யென்பார்

            முத்தி வழியே தெரிந்தோன் தான் ஐயா - சுவாமி - நாதா

 

3.         கானானிய னான சீமோன், கர்த்தனின் சகோதரனே

            கள்ளர் நச ரேத்தூ ரார்தாம் ஏசினார் - சுவாமி - நாதா

 

4.         சீப்புரு-சிரேனே-மோரி, ஸ்பானியா பிரிட்டனிலும்

            கோப்புடன் சுவிசேடமே கூறினான் - சுவாமி - நாதா

 

5.         சிலுவையில் சீ மோனும் சாக, சீற்ற முள்ள யூதேயாவில்

            சலுகை யில்லாத் தொமிஷன் காலமே - சுவாமி - நாதா

 

6.         கன்னிமரி சகோதரி பெற்ற மகனாம் யூதாவும்

            பன்னி ரப்போஸ் தல ரோடு சேர்ந்தனன் - சுவாமி - நாதா

 

7.         வேறு பேர் ததே லெபேயு, விவேகம் யூகம் வைராக்கியம்

            மாறு தலுள் ளவு லோகம் தானையா - சுவாமி - நாதா

 

8.         ஆண்டவரே எங்களையும், மீண்ட உம்மைக் காட்டியதேன்?

            வேண்டுகிறேன் சொல்லும் என்றான் யூதாவும் - சுவாமி - நாதா

 

9.         என்னி லன்போ டென் வசனம், கைக்கொண்டால் நானும் பிதாவும்

            உன்னில் வாசம் பண்ணு வோமென் றோதினீர் - சுவாமி - நாதா

 

10.       மூர்க்க மள்ள பார சீகர், மார்க்கம் யூதா போதிக்கவும்

            மூட பக்தி ஞானிகளும் கொன்றனர் - சுவாமி - நாதா

 

11.       பரிசுத்த மார்க்கப் பட்டோர், பக்தியுடன் காக்கப் பட்டோர்

            பார்க்கும்படி யோர் நிருபம் செய்தனன் - சுவாமி - நாதா

 

- S. உவால்டர் கவிராயர், தென்மலை.

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்