Tamil Christian Songs: தேவனை உயர்த்தித் துதியுங்கள்

12 June 2024

தேவனை உயர்த்தித் துதியுங்கள்

அவர் நாமத்தைப் போற்றியே

தேவனின் செயல் அதிசயமென்று

அதிசயமென்று சொல்லி

1. கொடியவரின் சீறல் கடுமையாய் வரினும்

திடபெலனும் ஏழைக்கு அடைக்கலமுமானார் - 2

படும்பலவந்தர் ஆரவாரமென்றும் ஆரவாரமென்றுமே - 2

2. இவரே நம் தேவன்இவர் நம்மை இரட்சித்தார்

இவரின் இரட்சிப்பினால் களிகூர்ந்திடுவோம் - 2

இவர் பகைவனை வென்று

கீழ்ப்படுத்தி வென்று கீழ்ப்படுத்தினார் - 2

3. கர்த்தரையே நம்பி சத்தியம் கைக்கொண்ட

உத்தம ஜாதியே உட்பிரவேசியுங்கள் - 2

பக்தருக்கென்று பலத்த நகரம்

பலத்த நகரம் உண்டு - 2

4. அன்னியர் ஆள்வதில்லை இந்நிலம் தன்னில் நம்மை

மன்னாதி மன்னனே நம் மகிபனாயிருப்பார் - 2

மன்னரும் தேவ சமாதானந் தங்கும்

சமாதானம் தங்கிடுமே - 2

5. புனிதராய் மரித்தோர் பூரித்தெழும்புவார்

பனி போல் கிருபையை பக்தரின் மேல் பொழிவார் - 2

இனி உலகத்தில் இன்னல் பெருகிடும்

இன்னல் பெருகிடுமே - 2

6. மறைவிடமுண்டு மன்னனின் ஜனத்திற்கே

குறை விசாரிக்கும் கோபத்தின் நாளிலே - 2

அறைக்குள் மறைந்து ஆனந்திக்கும் சபை

ஆனந்திக்கும் சபையே - 2

7. சிறந்த விருந்தொன்று சீயோன் மலையின் மீது

அருந்த யாவருக்கும் ஆயத்தமாக்குவார் - 2

நிந்தையை நீக்கி கண்ணீரைத் துடைத்து

கண்ணீர் துடைத்திடுவார் - 2

https://www.youtube.com/watch?v=kRRnvHYDWeE https://www.youtube.com/watch?v=Dq627IkWO14