திகையாதே கலங்காதே பயப்படாதே

மேலும் அதிக பாடல்களுக்கு

 

 

 

 

 

                   திகையாதே கலங்காதே பயப்படாதே

                        நீதியின் தேவன் வந்துன்னை

                        விடுவித்தே பாதுகாத்திடுவார்

 

1.         வனாந்திரம் மகிழும் கடுவெளி களிக்கும்         

            புஷ்பத்தைப் போலது செழித்திடுமே

            வறண்ட நிலமும் மிகுதியாய் செழித்து

            ஆனந்தக் களிப்புடன் பாடிடுமே - திகை

 

2.         தள்ளாடும் கால்களும் தளர்ந்த கைகளுமே

            திடனடைந்து பெலன் பெற்றிடுமே

            குருடரின் கண்களும் செவிடரின் செவிகளும்

            திறவுண்டு போம் அவர் நாமத்தினால் -  திகை

 

3.         முடவனும் குதிப்பான், ஊமையனும் பேசுவான்

            தடாகமாய் மாறும் வனந்தரமும்

            கடுவெளி ஆறாகும் வெறுந்தரை ஊற்றாகும்;

            கர்த்தாதி கர்த்தர் இயேசு

            நாமத்தினால் - திகையாதே

 

4.         பெரும் பாதையான வழியும் அங்குண்டு

            பரிசுத்த வழி என அழைக்கப்படும்

            தீட்டுள்ளவன் அதிலே நடந்து

            வருவதில்லை

            பேதையர் திசை கெட்டுப்

            போவதில்லை - திகையாதே

 

5.         மீட்கப் பட்டோர்கள் சீயோன் வந்தடைவர்

            ஆனந்தக் களிப்புடன் பாடிக் கொண்டே

            நித்திய மகிழ்ச்சி தலையின் மேலிருக்கும்

            சஞ்சலம் தவிப்பு என்றும்

            ஓடிப்போம் - திகையாதே

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்