Tamil Christian Songs: நன்மைகளும் சகல கிருபைகளும்

03 November 2025

மேலும் அதிக பாடல்களுக்கு

நன்மைகளும் சகல கிருபைகளும்

அநுக்கிரகம் செய்வீரப்பா - 2

ஆசீர்வாதமும் ஐஸ்வர்யமும்

அருளும் தகப்பன் நீரல்லவோ - 2

மகிழ்ந்திருக்க நான் சுகித்திருக்க

வாழ்நாளெல்லாம் அமைதி பெற

மகிழ்ந்திருக்க நான் சுகித்திருக்க

வாழ்நாளெல்லாம் மன அமைதி பெற

அநுக்கிரகம் செய்வீரப்பா

என் வாழ்வில் அநுக்கிரகம் செய்வீரப்பா - (2)

1. காத்திருக்கும் காலங்களை

கணக்கில் வைக்கும் கர்த்தர் நீரே - 2

தாமதித்த தரிசனங்கள்

தீவிரமாய் நிறைவேற்றுவீர் - 2 - மகிழ்ந்திருக்க

2. கண்ணீர் கவலை கஷ்டங்களை

மாற்றி என்னை துதிக்க வைப்பீர் - 2

திகைத்து நிற்கும் சூழ்நிலையில்

தேடி வந்து உதவி செய்வீர் - 2 - மகிழ்ந்திருக்க

3. நானும் எந்தன் வீட்டாருமோ

உந்தன் தயவை கொண்டாடுவோம் - 2

லேவியருக்கும் எளியோருக்கும்

கொடுக்கும் பங்கை கொடுக்க செய்வீர் - 2 - மகிழ்ந்திருக்க

- Augustin Rajasekar