மேலோக ராஜன் வருங்காலமாகுது

மேலும் அதிக பாடல்களுக்கு

236. இராகம்: ஆங்கிலம் தாளம்: ஆதி

1. மேலோக இராசன்வருங் கால மாகுது

சாலோக மகிமை பெறலாம் - பாவி யோடிவா.

2. பாவம் நித்தமும் மனம் நோகச் செய்யுது

பரிசுத்தர் இத்த லத்தில் வந்தால் - கவசந் தரிப்போம்.

3. இரவு போயிற்று பகல் சமீப மாயிற்று

இருளின் செய்கை தள்ளி ஒளியின் - கவசந் தரிப்போம்.

4. குடிவெறி வேண்டாம் கோள்குண்டணி வேண்டாம்.

பகலின் பிள்ளைகள் போல் சீராய் - நடக்கக் கடவோம்.

5. எருசலேம் நகர் மகா அரசர் மாளிகை - அதை

ஏறிட்டுக் கண்ணாலே பார்த்தால் - ஏக்கம் தீருமே

6. தூதர் சேனைகள் துதி பாடும் ஓசையால் - இப்

பூதலம் திடுக்கிட - வானோர்கள் மகிழ்வார்.

7. உப்பார்சின் தங்கக் கச்சை இடையிற் கட்டியே

உம்பர்கள் ஒழுங் காக நின்று - கீதம் பாடுவார்.

8. ஆசனங்களில் இயேசு தாசரிருப்பார் - அதின்

மத்தி யிலோர் ஆசனம் - இம் மானுவேலர்க்கு.

9. ஏழுடுகையில் மார்ப ருகே பொற் கச்சை

வெண் பஞ்சு நிறமாம் சிரசு - இயேசுவுக்குண்டு.

10. பார்க்கக் கூடாத பரிசுத்த சோதியாய் - மே

லோக இராசன் வீற்றிருப்பார் - தூதர்கள் சூழ.

11. கேரூபின்களும் வானில் சேராபீன்களும் - கெம்

பீரமாய் முழங்கும் ஓசை - கேட்டு மகிழ்வார்.

12. சேனையின் தேவன் பரி சுத்தர் சுத்தரே - என்

றோய்வில் லாமல் நான்கு சீவன் - போற்றி நிற்குமே.

13. காலம் போகுது பகலோன் வருகிறார் - பல

மாகவே உன் இரட்சிப்பை நீ-தேடிக் கொண்டிரு.

14. பரிசுத்தரைக் காண வெகு சுத்தம் வேண்டுமே

திரு இயேசுவே உம் இரத்தத்தாலே - சுத்த மாக்குமே.

15. தோத்திரம் சொல்வேன் மிகத் தோத்திரம் சொல்வேன்

பிதாவுக்கும் சுதன் ஆவிக்கும் தோத்திரம் சொல்வேன்.

https://www.youtube.com/watch?v=1q6tu1-rzkI

Tamil Christian Songs