Tamil Christian Songs: அந்நாளிலே நாசரேத்திலே

22 November 2025

பாடல்

அந்நாளிலே நாசரேத்திலே

வானதூதரின் வாழ்த்து கேட்டதே - 2

அருள்மிக பெற்ற மரி வாழ்க வாழ்கவே

ஆண்டவரின் ஆசி அருள் உன்மேல் உள்ளதே - 2

கன்னி மரியவள் அஞ்சி நின்றாரே

ஆண்டவர்க்கு நான் அடிமை என்றாரே - 2

ராஜாதி ராஜன் தேவாதி தேவன்

இம்மானுவேல் பிறந்துள்ளார் - 2 - அந்நாளிலே

1. அந்நாளிலே பெத்தலகேமிலே

ஊர் தூங்கிடும் ராப்பொழுதிலே - 2

விண்ணுலகும் மண்ணுலகும் வியந்துப் போனதே

விண்ணை ஆளும் வேந்தன் இங்கு கன்னி மடியிலே - 2

வானதூதரின் பாட்டு கேட்குதே

ஆயர் கூட்டமும் கண் விழித்ததே - 2

ராஜாதி ராஜன் தேவாதி தேவன்

இம்மானுவேல் பிறந்துள்ளார் - 2 - அந்நாளிலே

அந்நாளிலே பெத்தலகேமிலே

ஊர் தூங்கிடும் ராப்பொழுதிலே

2. அந்நாளிலே வானம் மீதிலே

விண்மீன் ஒளி வீசுகின்றதே - 2

வானில் அந்த நட்சத்திரம் கண்ட ஞானிகள்

கன்னிமரி பாலகனை தேடி வந்தாரே - 2

பொன்னும் வெள்ளியும் வெள்ளைப்போளமும்

தந்து வணங்கியே பணிந்து நின்றாரே - 2 - ராஜாதி

- PHILIP VARGHESE