நித்தம் நித்தம் பரிசுத்தர் துத்தியம் செய்யும்

மேலும் அதிக பாடல்களுக்கு

 

 

 

 

 

 

317. இராகம்: பிலகரி                                        ரூபகதாளம் (475)

 

                             பல்லவி

 

நித்தம், நித்தம் பரிசுத்தர் துத்தியம் செய்யும் தேவே,-இவ்வாலயம்

நேயத்துடன் வரும் யாவர்க்கும் உன் அருள் தாவே.

 

                             அனுபல்லவி

 

            எத்திசையும் பணி கர்த்தாதி கர்த்தன் நம்

            ஏசுகிறிஸ்துவின் நாமத்திற்கே துதி!

            சத்ய சுவிசேஷம் எங்கும் பரம்ப

            தயை அளித்தாளும் தயாபரனுக்கென்றும்

            சர்வாதிகாரம்-மகிமையும் தகும் நமஸ்காரம்-பெருகவும்

            தத் தித் திமி தத் தித் திமி தனுத்த சேம்தரி தாம் தரிகிட தளங்கு தோமென. - நித்தம்

 

                             சரணங்கள்

 

1.         அம்பரம் ஆசனம், பூமியைப் பாதத்தில் கண்டாய்;-மிக

            அஞ்சிப் பணிந்தோர் இருதயத்தும் குடி கொண்டாய்;

            இம்பர்[1] பணிந்து நாம் ஏற்ற கிருபையைத் தந்தாய்;-எங்கே

            இரண்டொரு மூவர் இசைந்தாலும் வருவோம் என்றாய்

            இன்ப முழுக்கதாகும் ஞானஸ்நானம்

            எல்லா உலகத்தார்க் கீயும் பிரதானம்;

            அன்பர் அடையும் கருணை ராப்போஜனம்

            ஆத்துமாவுக்கு நல் ஆறுதலாம் தினம்;

            ஆ! உபகாரம்-பராபரன்-அளித்தார் இந்நேரம்; எங்கட்கெந்த

            ஆபத்திலும் சாபத்திலும் அருமையாய் தேவ

            கோபத்திலும் யாவற்றிலும் கிருபையாகவே. - நித்தம்

 

2.         எத்தலத்தோர்க்கும் உன் உத்தம வார்த்தையைக் கூறும் - சுவி

            சேஷ குருமாருக்குக் கிருபை பெலன் தாரும்

            சுத்த நற்போதகத்தில் பயிலும் நற்சபையாரும் - மெய்ச்

            சுடர் வழி கண்டு நடக்கக் கருணைக் கண் பாரும்;

            பக்தி, விசுவாசம், நம்பிக்கை எங்களில்

            பாலித்தருளும் எக்காலும்; நிலைநிற்க

            முக்தி பெறும் கடை நாள் வரை ஆவி

            முத்திரையாக நிதம் புரிந்தாளும்;

            மூவர் ஒன்றாய் வந்-திவ்வீட்டில்-மேவும்; அன்பாய் நின்-நல்வார்த்தை

            முற்பட்ட மகத்துவத் தயையால் உளங்கொள

            முற்பொற் சிறை நற்பிற் சிறையே வணங்கியே. - நித்தம்

 

 

- காபிரியேல் உபதேசியார்

 

 

 

 

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்

---

[1] இவ்விடம்