நீரின்றி வாழ்வேது இறைவா

நீரின்றி வாழ்வேது இறைவா - உம்

நினைவின்றி மகிழ்வேது தேவா

உலகத்தில் நூறாண்டு நான் வாழ்ந்த போதும்

உம் இல்லத்தில் வாழும் ஒரு நாளே போதும்

1. பல கோடி வார்த்தைகள் நான் கேட்டபோதும் - இயேசுவே

நீர் பேசும் ஒரு வார்த்தை போதும்

ஓராயிரம் ஜீவன் உயிர் வாழுமே - உம்

வார்த்தையில் உண்டு அற்புதமே - நீரின்றி

2. கல்லுக்குள் தேரையை வைத்தவர் நீர்

அதற்குள்ளும் ஜீவனைத் தந்தவர் நீர்

உமையன்றி அணுவேதும் அசையாதய்யா

உம் துணையின்றி உயிர் வாழ முடியாதய்யா - நீரின்றி

3. எத்தனை நன்மைகள் செய்தீரய்யா - அதில்

எதற்கென்று நன்றிசொல்லி துதிப்பேனய்யா

அத்தனையும் சொல்ல வேண்டுமென்றால்

ஆயிரம் ஆண்டுகள் போதாதய்யா - நீரின்றி

Tamil Christian Songs