நீங்காத நித்திய கர்த்தத்துவம்

நீங்காத நித்திய கர்த்தத்துவம்

என் தேவா உம் மகத்துவம் - 2

ஜனம் எல்லாம் அடி பணியும்

தினம் எல்லாம் சேவிக்கும்

அலை அலையாய் பணிந்தும்மை ஆராதிக்கும்

தம் மொழியாலே துதி பாடிடும் - நீங்காத

1. தேவா உமது திரண்ட செயல்

எத்தனை ஆச்சரியமே

நித்தம் தேவனை நடத்துகின்ற

அற்புதம் விசித்திரமே

ஆகாய கங்கைதனில் உம் சௌந்தரியம்

அழகாக வெளிப்படுதே - 2 - நீங்காத

2. தேவா உமது வல்லமையால்

என்றென்றும் அரசாளுமே

உதடும் உள்ளமும் துதிக்கையிலே

உம் புயம் வெளிப்படுமே

ஆனந்த உறைவிடமே என் சொந்தமே

நித்திய கன்மலையே - 2 - நீங்காத

3. மலைகள் தகர்த்து பெயர்ந்தாலும்

பர்வதம் விலகினாலும்

உமதருள் நிச்சயம் நீங்காததே

உம் ஒப்பந்தம் நிரந்தரமே

உம் தயவு காருண்யமே நித்தியமே

உம் வாக்கு சத்தியமே - 2 - நீங்காத

Youtube

Tamil Christian Songs