Tamil Christian Songs: பொங்குதே ஆனந்தம் புவி

06 March 2024

பொங்குதே ஆனந்தம்

புவி எங்குமே இல்லா பேரானந்தம்

பொங்குதே ஆனந்தம் - 2

1. வையகம் தந்திடாதின்பம்

இயேசையன் அளித்ததானந்தம் - 2

பொய்யனுக்கோ புகலவொண்ணா நாசம் (2)

மெய்யனகற்றினார் என் பாவதோஷம் (2) - பொங்குதே

2. பரலோக மேன்மை துறந்து

நரலோக மானிடனாய் பிறந்து - 2

எவர்க்குமே கிடையாத சிலாக்கியம்

பரமனை நம்புவோர்க்களித்தார் நல்பாக்கியம் (2) - பொங்குதே

3. குருசினில் சிந்தின இரத்தம்

குரு இயேசுவில் உண்டான சுத்தம் - 2

கல்வாரியில் தெய்வ மகத்துவ நேசம் (2)

கல்லான இதயமும் கனிந்திடும் பாசம் (2) - பொங்குதே

4. பாவ பரிகார நாமம்

கொடும் ரோகப்பரிகார நாமம் - 2

சர்வ லோகத்திலும் மேலான நாமம் (2)

சர்வ ஜனத்திற்கும் இரட்சண்ய நாமம் (2) - பொங்குதே

5. வானவன் சபையிலோ வந்து

பலதானங்கள் அன்புடன் தந்து - 2

சரீரமாம் சபை பூரணமாக (2)

சற்குணங்கள் கொண்டு அலங்கரித்தாரே (2) - பொங்குதே

6. மணவாளன் வேகமே வருவார்

மணவாட்டியை வானில் சந்திப்பார் - 2

ஆ! இன்பமே எமக்காகுமே அந்நாள் (2)

ஆத்ம நேசர் இயேசு தான் வரும் பொன்னாள் (2) - பொங்குதே

- டேவிட் பொன்னுசாமி

https://www.youtube.com/watch?v=PeciErBzXOs