எம்மை ஜீவபலியாய்த் தந்தோம்

மேலும் அதிக பாடல்களுக்கு

 

 

 

                   எம்மை ஜீவபலியாய்த் தந்தோம் - ஏசையா

                        எமதுள்ளம் நிறைந்தளித்தோமே - என்று

 

1.         பலிபீட கொம்பினில் இணைத்தீரல்லோ

            பலவீனர் பெலன் கொண்டு எழும்பிடுவோம்

            பிரகாசித்திட தயை பெற்றிட (2)

            பரன் பாதம் தாழ்த்தினோம் இறங்கிடுமே - தேவா

 

2.         குயவனின் கைகளில் களிமண்ணைப் போல்

            குறை நீக்கி வனைந்தெம்மை உருவாக்குவீரே

            உமது சித்தம் எமது பாக்யம் (2)

            உம்மை நம்பி தந்தோமே கிருபை கூருமே - தேவா

 

3.         எமதாவி ஆத்துமா சரீரம் எல்லாம்

            எமக்கல்ல உமக்கென்றும் உரித்தாக்கினீரே

            பிழைதீருமே பரிசுத்தரே (2)

            அழைத்தவர் நடத்துவீர் கடைசிவரை - தேவா

 

4.         விசுவாச சோதனை புடமிடவே

            விசுவாசம் பெருகிட பரிந்துரைத்தீரே

            சுகம் தந்தீரே ஜெயமீந்தீரே (2)

            இகத்தினில் நீரே எம் பரிகாரியே - தேவா

 

5.         பரிசுத்த பூரண மகிமையுடன்

            பரமனின் திருசாயல் அடைந்திடுவோமே

            தரிசனமே அளித்திடுமே (2)

            தமதன்பின் ஆவியைப் பொழிந்திடுமே - தேவா

 

6.         ஜெயங் கொண்ட தாசர்கள் பறந்திடவே

            ஜொலித்திடும் மணவாளன் வருகையின் நாளே

            ஜெபத்துடனே விழிப்புடனே (2)

            ஜெகத்தினில் காத்தென்றும் தவிக்கின்றோமே - தேவா

 

- சாராள் நவரோஜி

 

https://www.youtube.com/watch?v=eiNtReOI0Mg

 

 

கிறிஸ்தவ பாடல் தொகுப்பு

 

PDF பாடல் புத்தகங்கள் பதிவிறக்கம்