Tamil Christian Songs: கொள்ளை நோயால் தவிப்போரே

23 August 2023

கொள்ளை நோயால் தவிப்போரே

கொள்ளை நோயை இயேசு அழிப்பார்

கொள்ளை நோயால் தவிப்போரே

கொள்ளை நோயை முற்றிலும் அழிப்பார்

தவறினை நாம் உணர்ந்தால்

மன்னிக்க வல்லவர்-நம்

தவறினை நாம் உணர்ந்தால்

மன்னிக்க வல்லவர்

பிள்ளையைப்போல் நம்மை

அவர் அணைப்பார்

1. கட்டளையை மீறினால் காய்ச்சல் வரும் என்றீர்,

வானமும் அடையும், கொள்ளை நோயும் வரும் என்றீர்

நம்மையும் தாழ்த்தி அவரிடம் வேண்டிட்டால்,

பரிகாரியானவர் பரிகாரம் தந்திடுவார்.

பொல்லாத வழிவிட்டு திரும்பியே வந்திட்டால்,

மன்னித்து நோய்களை குணமாக்க மாட்டீரோ!

யெகோவாரஃப்பா குணமாக்க மாட்டீரோ

2. கடலை உலர்ந்த கரையாய் மாற்றினீரே!

மக்களை கால் நனையாமல் கடக்கச் செய்தீரே!

கலங்காதே! திகையாதே! உடன் இருப்பேன் என்றீரே!

உம்மை தேடுகின்றோரை கைவிடேன் என்றீரே!

திக்கற்ற நேரத்தில் தஞ்சமும் நீரன்றோ!

நோய் நொடி பிணி தீர்த்து காத்திடுவீரே,

யெகோவாரஃப்பா சுக வாழ்வு தருவீரே