Tamil Christian Songs: கர்த்தரின் கிருபைகளை என்றென்றும்

06 July 2023

கர்த்தரின் கிருபைகளை

என்றென்றும் பாடிடுவோம்

அவர் உயர்ந்த நாமமதை

ஒருமித்து உயர்த்திடுவோம்

1. சந்ததம் அவர் புகழ் ஓங்கிடவே

சபையாம் நம்மை அழைத்தாரே

சாற்றிடுவோம் நம் துதியினையே

சர்வ வல்லவராம் இயேசுவுக்கே

2. ஜீவன் சுகம் பெலன் யாவும் ஈந்து

சேதமின்றி நம்மை காத்தாரே

பூரிப்படனே நாம் பாடிடுவோம்

புதிய பெலத்தால் நிறைந்திடுவோம்

3. மரண பள்ளத்தாக்கில் நடந்தடினும்

மாபெரும் தீங்குக்கும் அஞ்சேனே

சோர்ந்து போகாமல் ஜெயம் பெறவே

கர்த்தரின் கிருபை எம்மோடிருக்கும்

4. ஜெய கெம்பீரமாய் பாடிடுவோம்

ஜெயம் முழங்க துதித்திடுவோம்

அல்லேலூயா நாம் ஆர்ப்பரித்தே

அல்லும் பகலும் பாடிடுவோம்

5. பொன்னிலும் விலையேறப் பெற்றதாம்

நம் நல் விசுவாசத்தை

காத்துக் கொள்வோம்

மாற்றுவார் சாயலை அந்நாளிலே

மாண்புடனே அவர் மகிமையிலே