உம்மையன்றி யார் வருவார்

உம்மையன்றி யார் வருவார்

எனக்கு உதவிடவே

உந்தன் அன்பை யார் தருவார்

இந்த உலகத்திலே

அன்பின் வடிவே எங்கள் அடைக்கலமே - 2

ஆறுதலை அளித்திடும் எந்தன் இயேசுவே - 2

சரணங்கள்

1. பாதைமாறிப்போன ஆடு புதருக்குள்ளே

மாட்டிக்கொண்டு தவிக்குது தனிமையிலே - 2

மேய்ப்பன் இல்லாத ஜீவனுக்கும்

மீட்பராகவே இயேசு வந்தார் - 2

அவர் உன்னதத்தின் தேவன்

என்றும் உண்மையுள் தேவன் - 2

கண்ணுரக்கம் இன்றி நம்மை காத்திடுவார்

2. ஆத்துமாவே நீயும் ஏன் கலங்குகின்றாய்

ஆண்டவரை அழைத்திடு பெலன் தருவார் - 2

பாவத்தின் சம்பளம் மரணம் என்றார்

பாவிகளை மீட்க இயேசு வந்தார் - 2

அவர் நித்தியத்தின் தேவன்

வேத சத்தியத்தின் தேவன் - 2

வாதை உன்னை அணுகாமல் காத்திடுவார்

Tamil Christian Songs