Tamil Christian Songs: நல்ல நண்பன் இயேசு என்னை என்றும் காப்பார்

16 March 2023

நல்ல நண்பன் இயேசு என்னை என்றும் காப்பார்

கை விடாமலே காத்து நடத்துவார்

கண்மணிப் போல் காப்பார்

கண்ணீரெல்லாம் துடைப்பார்

கடந்ததெல்லாம் மறக்க செய்வார் (2)

மாயையே இந்த உலகம் மாயையே

மாயையே உலகில் எல்லாம் மாயையே

போதுமே இயேசு ஒருவர் போதுமே

போதுமே இயேசு மட்டும் போதுமே (2)

1. கண்ணீரோடு நடந்த நாட்கள் மாயையானதே

கவலையோடு திரிந்த நாட்கள் கடந்து போனதே (2)

உலக பாடுகள் உலக வேதனை (2)

இயேசு வந்தால் தீருமே

இயேசு வந்தால் மாறுமே - நல்ல நண்பன்

2. ஒளி வீசும் சூரியனும் இருளாகுமே

சுவாசிக்கும் காற்றுக் கூட நின்று போகுமே (2)

சேர்த்த ஆஸ்தியும் பாச ஜனங்களும் (2)

உன்னை விட்டு போகுமே

உன்னை விட்டு விலகுமே - நல்ல நண்பன்

Tamil Christian Songs