யூத ராஜ சிங்கம் உயிர்த்தெழுந்தார்

யூத ராஜ சிங்கம்

388. (385) கேதாரம்                              ஆதி தாளம் 

பல்லவி

            யூத ராஜ சிங்கம் உயிர்த்தெழுந்தார்,

            உயிர்த்தெழுந்தார், நரகை ஜெயித்தெழுந்தார்.

சரணங்கள்

1.         வேதாளக் கணங்கள்[1] ஓடிடவே,

            ஓடிடவே உருகி வாடிடவே. - யூத

2.         வானத்தின் சேனைகள் துதித்திடவே,

            துதித்திடவே, பரனைத் துதித்திடவே. - யூத

3.         மரணத்தின் சங்கிலிகள் தெறிபட்டன,[2]

            தெறிபட்டன நொடியில் முறிபட்டன. - யூத

4.         எழுந்தார் என்றதொனி எங்குங் கேட்குதே,

            எங்குங் கேட்குதே, பயத்தை என்றும் நீக்குதே. - யூத

5.         மாதர் தூதரைக் கண்டகமகிழ்ந்தார்,

            அகமகிழ்ந்தார், பரனை அவர் புகழ்ந்தார். - யூத

6.         மரித்த கிறிஸ்து இனி மரிப்பதில்லை,

            மரிப்பதில்லை, இனி மரிப்பதில்லை. - யூத

7.         கிறிஸ்தோரே நாமவர் பாதம் பணிவோம்,

            பாதம் பணிவோம், பதத்தைச் சிரமணிவோம். - யூத

---

[1] நரகக் கூட்டங்கள்

[2] உடைந்தன