அருள் ஜோதி தோன்றிடாமல்

81.     “Long in darkness we have waited.”         (702)

1.         அருள் ஜோதி தோன்றிடாமல்,

            இருள் மூடிக் கிடந்தோம்;

            திக்கில்லாமல், பாவப்பற்றில்

            சிக்கிக்கொண்டே யிருந்தோம்.

பல்லவி

                        வல்ல யேசுகிறிஸ்து நாதா!

                        நல்ல நேச மீட்பர் நீர்

                        பற்று, பாசம், கட்டும் முற்றும்

                        அற்றுப்போகப் பண்ணுவீர்.

2.         பக்தி ஒன்றுமில்லை! பாரும்!

            சக்தியற்றுப் போயினோம்;

            ஜீவபாதையில் நில்லாமல்

            தேவசித்தம் மீறினோம்.

3.         யேசு நாதரே! இப்போது

            நேசமாக நிற்கிறீர்;

            'என்னை நம்பு, பாவம் நீக்கி

            உன்னைக் காப்பேன்' என்கிறீர்.

4.         நம்பி வந்து பாவ நாசா!

            உந்தன் பாதம் அண்டினோம்;

            தூய ரத்தம் ஓடக்கண்டு,

            தீய செய்கை வெறுத்தோம்.

5.         பாவச் சேற்றிலே விழாமல்

            தேவரீரே காக்கிறீர்.

            வல்ல ஆவியாலே என்றும்

            வெல்லச் செய்து ரட்சிப்பீர்.