திவ்ய ஐக்கியத்தில்

148.   When we walk with the Lord.  (99)

1.        திவ்ய ஐக்கியத்தில்

                        நிலைப்போமேயாகில்,

            அருள் ஜோதியில் நடப்போம்;

                        வல்ல ஆவியினால்

                                    தேவசித்தஞ் செய்தால்,

                                    பெரும் பாக்யம் பெற்றே வாழுவோம்.

பல்லவி

                        கீழ்ப்படிவோம்.

                        தேவசிந்தஞ் செய்வோம்!

                        திருவாக்கை எப்போதும்

                        நம்பிக் கீழ்ப்படிவோம்.

2.         மேகம் தோன்றுமானால்

                        அன்பின் சூரியனால்

            அது நில்லாமல் மறைந்துபோம்;

                        சோர்பு சந்தேகமும்

                                    அவநம்பிக்கையும்

                                    அணுகாமலே, முன் செல்வோம்.

3.         எந்த வேலையிலும்,

                        இன்ப துன்பத்திலும்,

            அருள்நாதர் சகாயஞ் செய்வார்;

                        வரும் சோதனையோ,

                                    மனோ சஞ்சலமோ,

                                    இவை நீக்கியே பாதுகாப்பார்.

4.         நம்பிக் கீழ்ப்படிந்தே

                        திருப்பாதத்திலே

            நம்மை முற்றிலும் ஒப்புவிப்போம்;

                        பெரு நன்மை ஈவார்

                                    அபிஷேகஞ் செய்வார்

                                    தேவ ஆவியைப் பெற்றுக்கொள்வோம்.

5.         கர்த்தரோ டின்பமாய்,

                        அந்நியோந்தியமாய்,

            நீங்காமலே வாசஞ் செய்வோம்,

                        அவர் சொற்படியே

                                    உண்மையோடுடனே

                                    மனோற்சாகமாய்க் கீழ்ப்படிவோம்.