நல் மீட்பர் பட்சம் நில்லும்

151.   Stand up! Stand up for Jesus! (297)

1.         நல் மீட்பர் பட்சம் நில்லும்!

            ரட்சண்ய வீரரே!

            ராஜாவின் கொடி ஏற்றிப்

            போராட்டம் பண்ணுமே;

            சேனாதிபதி யேசு

            மாற்றாரை மேற்கொள்வார்.

            பின்வெற்றி க்ரீடஞ்சூடிச்

            செங்கோலும் ஓச்சுவார்.

2.         நல் மீட்பர் பட்சம் நில்லும்!

            எக்காளம் ஊதுங்கால்

            போர்க் கோலத்தோடு சென்று,

            மெய் விசுவாசத்தால்

            அஞ்சாமல் ஆண்மையோடே

            போராடி வாருமேன்.

            பிசாசின் திரள் சேனை

            நீர் வீழ்த்தி வெல்லுமேன்.

3.         நல் மீட்பர் பட்சம் நில்லும்!

            எவ்வீர சூரமும்

            நம்பாமல், திவ்விய சக்தி

            பெற்றே பிரயோகியும்;

            சர்வாயுதத்தை ஈயும்

            கர்த்தாவைச் சாருவீர்.

            எம்மோசமும் பாராமல்

            முன் தண்டில் செல்லுவீர்.

4.         நல் மீட்பர் பட்சம் நில்லும்!

            போராட்டம் ஓயுமே!

            வெம்போரின் கோஷ்டம் வெற்றிப்

            பாட்டாக மாறுமே!

            மேற்கொள்ளும் வீரர் ஜீவ

            பொற்கிரீடஞ் சூட்டுவார்.

            விண்லோக நாதரோடே

            வீற்றரசாளுவார்.