தேவாவியே நீர் அவிழ்ப்பீர்

143.   Eternal Spirit, by whose power.        (164)  (167)

1.         தேவாவியே! நீர் அவிழ்ப்பீர்

            எப்பாவக் கட்டையும்;

            எல்லோரின் மேலும் ஊதுவீர்;

            உயிர்ப்பித்து எழும்பும்!

2.         மெய்வழி காட்டி, பயமும்

            நீர் நீங்கச் செய்குவீர்;

            கல்நெஞ்சில் அன்பு பொங்கவும்

            வந்தனல் மூட்டுவீர்.

3.         துன்புற்று, ஏங்கி விழுந்தால்,

            கைதூக்கித் தாங்குவீர்;

            ப்ரசன்னமாகித் தேற்றலால்

            சந்தேகம் நீக்குவீர்.

4.         இவ்வருள் வேதம் வாசிக்க,

            பேரொளி வீசுவீர்;

            கேட்போரின் நெஞ்சில் பதிய

            சகாயம் பண்ணுவீர்.

5.         வல்லாவியே! இக்கூட்டத்தை

            நீர் சந்தித்தருளும்;

            ஏராள அருள் மாரியை

            இப்போதே பொழியும்.