என்னாலுரைக்க முடியாதே என்றன்

என்னால் உரைக்க முடியாதே

391. (388) காபி                         ஆதி தாளம் 

பல்லவி

            என்னாலுரைக்க முடியாதே-என்றன்

            இருதய மகிழ்ச்சி இப்போதே.

அனுபல்லவி

            முன்னாலே பாவத்துயரில் மூழ்கின பேதையை யேசு

            மன்னவனார் தேடிக்கண்டு மாற்றினார் பவத்தினை, தேற்றினார் அகத்தினை - என்

சரணங்கள்

1.         காட்டினில் அலைந்த ஆடு நானே,-எனைக்

            கண்டு பிடித்தவர் யேசு கோனே;

            வீட்டினுள் மகிமையைக் கண்டேனே,-இனி

            வியந்து விரைந்து பாடுவேனே.

            நாட்டினில் எனைத்தொடர் ஓநாய் புலி யாவும் வெருண்டு

            ஓட்டம்பிடித் தப்பாலே நின்றுற்றிதோ பார்த்தென வெற்றி அடைந்தேனே - என்

2.         பாவங்கள் அனைத்தும் மன்னித்தாரே,-பாவப்

            பயங்கள் சந்தேகந் தொலைத்தாரே,

            ஆவல் ஆசையும் அகற்றினாரே,-தேவ

            அன்பினை அகத்துள் ஊற்றினாரே;

            தேவ வசனஞ்செழிக்கச் செபத்தியானங்கள் சிறக்க,

            ஆவி உள்ளிலேகளிக்க ஆடுதே கால்களும் பாடுதே நாவதும். - என்

3.         சத்துருவினால் விளைந்த கேட்டை-எல்லாம்

            தாண்டிவந்தேன், யேசு பெருங்கோட்டை.

            பக்தருக் காயத்தம் செய்த வீட்டைப்-பெறப்

            பார்த்திருக்கின்றேன் பரம நாட்டை;

            இத்தரை வசிக்குங் காலம் அத்தனையும் யேசுக்கெனைத்

            தத்தம் செய்துவிட்டேன், அவர் தஞ்சமே காவில் தான்

                        அஞ்சிடேன் இனி. - என்

4.         ஆசைமிகும் யேசு பெருமானே!-பதி

            னாயிரம் பேரில் சிறந்த கோனே!

            வாச[1] லீலிப்பூவே சீவதேனே!-வான

            மன்னாவே இலங்கு கதிரோனே!

            மாசறக்கழுவி எந்தன் மனதுள் வசித்தெழும்பும்

            நேசத்தால் மகிழ்ந்றென்தென்றும் நீடுவாய் கிருபைகள்

            சூடுவாய் தோத்திரம் - என்

- ம. வேதமாணிக்கம்

---

[1] நல்மணமுள்ள