அன்பரின் நேசம் ஆர் சொல்லாகும்

அன்பரின் நேசம் ஆர் சொல்லலாகும்?

311. (309) தேவகாந்தாரி                                ஆதி தாளம்

பல்லவி

          அன்பரின் நேசம் ஆர் சொல்லாகும்?-அதிசய

          அன்பரின் நேசம் ஆர் சொல்லாகும்?

அனுபல்லவி

                        துன்ப அகோரம்[1] தொடர்ந்திடும் நேரம். - அதிசய

சரணங்கள்

1.         இதுவென் சரீரம், இதுவென்றன் ரத்தம்,

            எனை நினைத்திடும்படி அருந்துமென்றாரே. - அதிசய

2.         பிரிந்திடும் வேளை நெருங்கினதாலே

            வருந்தின சீஷர்க்காய் மறுகி நின்றாரே. - அதிசய

3.         வியாழனிரவினில் வியாகுலத்தோடே

            விளம்பின போதகம் மறந்திடலாமோ? - அதிசய

4.         செடியும் கொடியும்போல் சேர்ந்து தம்மோடே

            முடிவு பரியந்தம் நிலைப்பீரென்றாரே - அதிசய

5.         பக்தர்கட்காகப் பரமனை நோக்கி

            மொத்தவும் ஊக்கமாய் வேண்டிக்கொண்டாரே. - அதிசய

- சா. பரமானந்தம்

---

[1] பயங்கரம்