வெள்ளை அங்கிகள் தரித்த

விமல முத்தர் இவர் யார்?

327. கன்னடா                                                          ஆதி தாளம்

பல்லவி

                             வெள்ளை அங்கிகள் தரித்த

                             விமல முத்தர்[1] இவர் யார்?

அனுபல்லவி

                        கள்ள மில்லா ஆட்டுக்குட்டிக்

                        கருணைவள்ளல்[2] முன்நிற்கும். - வெள்ளை

சரணங்கள்

1.         நானாதிக்கிலுமிருந்து

            நயந்து வந்தவர் இவர்;

            கோணாது துன்பக் கடலில்

            குளித்துவந்தவர் இவர். - வெள்ளை

2.         குருத் தோலைகள் பிடித்துக்

            கொற்றவனைச்[3] சூழநிற்கும்

            பெருத்த கூட்டத்தார் இவர்;

            பேரன்பின் அடியார்களாம். - வெள்ளை

3.         ஆட்டுக் குட்டியாலே மீட்பை

            அடைந்த உத்தமர் இவர்;

            தேட்டமுடனே[4] நாயனைச்

            சேவித்து நிற்கின்றார் நித்தம். - வெள்ளை

4.         பசிதாகம் யாவுமற்றார்;

            பாக்கிய நிலைமை பெற்றார்;

            உச்சித மோட்சத்தின் கண்ணீர்

            உகுக்கா[5] வாழ்வினை யுற்றார். - வெள்ளை

- ல.ஈ. ஸ்தேவான்

---

[1] முக்தர்

[2] கடவுள்

[3] அரசனை

[4] விருப்பத்துடன்

[5] விடாத