ஐயனே இவர்க் காசி ஈகுவாய்

ஐயனே! இவர்க்கு ஆசி ஈகுவாய்

303. (302) செஞ்சுருட்டி                                 ருபகதாளம் 

பல்லவி

            ஐயனே! இவர்க் காசி ஈகுவாய்,

            மெய்யாய் உன்னைச் சார-என்றும்

அனுபல்லவி

            பொய்யா மிவ்வுல காசை யைவிட்டு,

            மெய்யாய் உன்னைச் சார-என்றும் - ஐயனே!

சரணங்கள்

1.         பாவ முஞ்செக சால மும்விட்டுப்

            பனுவ லிரைப்[1] படியே,-வெகு

            ஆவ லாயுன தருளி னாலுயிர்

            அடையக் கதி யடைய-என்றும் - ஐயனே!

2.         நற்று தி[2] செயும் பத்த ராயுன்றன்

            பொற்றா ளிணை[3] போற்றி!-ஓங்கு

            சற்கு ணமுமெய் வாழ்வு மேபெற்றுச்

            சான்றோர் நெறிசார-என்றும் - ஐயனே!

3.         இன்று தொட்டிவர் என்று மேயுனைச்

            சென்றே எங்குங் கூறிப்,-பயன்

            நன்றி பெற்றுயர் வென்றி யுற்றினி

            ஒன்றி யுயர்ந்த தோங்க-என்றும் - ஐயனே!

4.         அன்று சீடராய்ப் பன்னி ருவரை

            அழைத்தாய், தயை விழைத்தாய்;-இவர்

            என்றுஞ் சபையில் ஒன்றி வைகிட[4]

            நின்றுன் கிருபை ஈவாய்-என்றும் - ஐயனே!

---

[1] வேதவுரை

[2] நல்துதி

[3] அழகிய இரு பாதங்கள்

[4] இருக்க