ஞானஸ்நான மா ஞானத்திரவியமே

ஞானஸ்நான மா ஞானதிரவியமே

302. (301) காம்போதி                                              ஆதிதாளம்

பல்லவி

            ஞானஸ்நான மா ஞானத்திரவியமே; திரு

            நாமம் ஜலமோடு சேர்.

சரணங்கள்

1.         வானபரன் யேசுலக மானிடர்க்காய்ப் பாடுபட்டு

            வாய்த்தநலம் இலவசமாய்க் கொடுத்திட,

            ஞானமுட னேசகல மானிடரைச் சீடராக்க,

            நல்ல தேவ நாமமதைச் சொல்லிஜலம் வாருமென்ற - ஞான

2.         தண்ணீராவியால் பிறக்கார் விண்டலம் பெறாரெனவே

            சத்தியன் உரைத்தமொழி சுத்தமுணர்ந்து

            சின்னவர் பெரியவர்கள் சீரியர்கள்[1] பூரியர்கள்[2]

            செம்மைபெற மூழ்குவர்கள் இம்முழுக்கில்[3] வேதமுறை - ஞான

3.         கண்ணினாலே காண்பதென்ன? தண்ணீர்தானேயென்று சொல்லிக்

            கர்த்தனி னுரைமறப்ப தெத்தனை மோசம்!

            அண்ணலார் பரிசுத்தாவி தன்னையுமிணைக்கு நேர்மை

            அறிந்தவரே யிருகண் தெரிந்தவர் திருவருள் - ஞான

- ஞா. சாமுவேல்

---

[1] சிறந்தவர்கள்

[2] கீழ் மக்கள்

[3] ஸ்நானத்தில்