நிறைவுற வரந்தா நியமகம்

நிறைவுற வரந் தா

344. மோகனம்                                               ரூபகதாளம் 

பல்லவி

                        நிறைவுற வரந்தா,-நியமகம்

                        நிறைவுற வரந்தா.

அனுபல்லவி

                        நித்திய திரித்துவ சத்தியபரா என்றும், - நிறை

சரணங்கள்

1.         உரிய தொண்டருக்கில்லமே,-இங்கு

            உண்டமைக்கும் எங்கள் தெய்வமே!

            உன் திருத்தாளரண்[1] எங்களுக்குகே சரண் - நிறை

2.         ஆதம் தனித்த நிலையது-நல்ல

            தல்லவென்று கண்டவனது

            அங்கமே நின்றொரு மங்கையே தந்தனை. - நிறை

3.         ஆபிரகாம் எலியே சரும்-மன்

            றாடிய வேண்டுதல் கேட்டொரு

            அங்கனை[2] நெஞ்ச மிணங்க வகை செய்தாய். - நிறை

4.         உலகம் பேயுடல் முப்பகை-இவர்

            ஓப்பந்தத் தீண்டா துனது கை

            ஓங்கியே தாங்கி யுறுதுணை தந்துமே. - நிறை

5.         ஒப்பந்தத் தாலிரு சார்பினர்-தமை

            உற்றவர் மற்றவர் நற்றவர்

            உன்னதா சீரடைந்துன் மகிமை தர. - நிறை

- ஜி.சே. வேதநாயகம்

---

[1] திருப்பாதமாகிய கோட்டை

[2] மகன்