தேவாவியே நீர் அவிழ்ப்பீர்

129. Bristol, Ortonville    St. Agnes                                    (394)   C.M.

"Eternal Spirit, by whose power"

1.         தேவாவியே, நீர் அவிழ்ப்பீர்

            எப்பாவப் பாசமும்;

            எல்லோரின் மேலும் ஊதுவீர்;

            உயிர்ப்பித் தெழும்பும்.

2.         மெய்வழி காட்டி, பயமும்

            நீர் நீங்கச் செய்குவீர்;

            கல் நெஞ்சில் அன்பு பொங்கவும்

            வந்தனல் மூட்டுவீர்.

3.         துன்புற்று ஏங்கி விழுந்தால்,

            கை தூக்கித் தாங்குவீர்;

            ப்ரசன்னமாகித் தேற்றலால்

            சந்தேகம் நீக்குவீர்

4.         இவ்வருள் வேதம் வாசிக்க

            பேர் ஒளி வீசுவீர்;

            கேட்போரின் நெஞ்சில் புதிய

            சகாயம் பண்ணுவீர்.

5.         வல்லாவியே, இக்கூட்டத்தை

            நீர் சந்தித்தருளும்;

            ஏராள அருள் மாரியை

            இப்போதே பொழியும்.