மா தூய ஆவி இறங்கும்

244. Veni Creator (I)                   L.M.

"Come, Holy ghost, our souls..."

1.         மா தூய ஆவி, இறங்கும்,

            விண் தீபம் நெஞ்சில் ஏற்றிடும்;

            ஞானாபிஷேகமான நீர்

            நல் வரம் ஏழும் ஈகிறீர்.

2.         மெய் ஜீவன், ஆறுதல், அன்பும்

            நீர் வார்க்கும் வான தைலமே;

            உம் ஜோதி வீசி நித்தமும்

            ஆன்மாவின் மருள் அகற்றும்.

3.         துன்புற்ற நெஞ்சைத் தேற்றவே

            ஏராள அருள் பெய்யுமே;

            மாற்றார் வராமல் ரட்சியும்;

            சீர், வாழ்வு சுகம் ஈந்திடும்.

4.         பிதா குமாரனோடு நீர்

            திரியேகரா யிருக்கிறீர்

            என்றே அறிந்து யாவரும்

            பணிந்து போற்றப் போதியும்.