லோக நாதா மண்ணோர் மீள

256. Charitas                       (418)       8s, 7s, 8l.

"Lord of glory, who hast bought us"

1.         லோக நாதா, மண்ணோர் மீள

                        உம்தன் ரத்தம் சிந்தினீர்,

            கெட்டுப்போனோர் என்றும் வாழ

                        உம்மைப் பலியாக்கினீர்;

            நன்றிகெட்ட மாந்தர்க்கென்றும்

                        தயவாக, தேவரீர்

            எண்ணிறந்த நன்மை சற்றும்

                        கைமாறின்றி ஈகிறீர்.

2.         உம்தன் நேசக் காந்தியாலும்

                        எங்கள் நெஞ்சுருகியே,

            அன்பில்லாத தன்மை யாவும்

                        நீங்கச் செய்யும், யேசுவே;

            அதால் நாங்கள் ஏற்பதிலும்

                        ஈதல் நன்றென்றுணர்வோம்;

            நீரே தந்த ஆஸ்தியிலும்

                        தான தர்மம் பண்ணுவோம்.

3.         சிறியோர்க்குச் செய்த நன்மை

                        உமக்கிட்ட தர்மமே

            என்றந்நாள் நீர் சொல்லும்வாக்கை

                        கேட்பதின்ப பாக்யமே;

            சொத்து செல்வம் ஏதும் அற்ற

                        எளியோரால் தேவரீர்

            தான தர்மங் கேட்பதாக

                        இதினாலே போதித்தீர்.

4.         லோக நாதா, மண்ணோர் மீள

                        உம்தன் ரத்தஞ் சிந்தினீர்;

            கெட்டுப்போனோர் என்றும் வாழ

                        உம்மைப் பலியாக்கினீர்;

            உம்மை அண்டிப்பற்றிக் கொள்ள

                        நம்பிக்கை விஸ்வாசமும்

            மா சிறந்த மேன்மையுள்ள

                        திவ்ய அன்பும் ஈந்திடும்.