என் ஜீவன் போகும் நேரம்

284. Rutherford              7s, 6s, 8l.

"The sands of time are sinking"

1.         என் ஜீவன் போகும் நேரம்

                   சமீபம் வந்ததே;

            பேரின்ப அருணோதயம்,

                        இதோ! விடிந்ததே;

            ராக் கால மோசம் நீங்கும்

                        விண் சுடரொளியில்;

            மா அருள் ஜோதி வீசும்

                        பேரின்ப தேசத்தில்.

2.         ஆ, நேச ஜீவ ஊற்று

                        என் அருள் நாதரே!

            ஈண்டுண்ணும் ஜீவ தண்ணீர்

                        அங்காழி போலாமே;

            பேரன்பின் பெரு வெள்ளம்

                        பாய்ந்தோடும் மோட்சத்தில்

            மா அருள் ஜோதி வீசும்

                        பேரின்ப தேசத்தில்;

3.         அன்போடும் நீதியோடும்

                        என் சுக துக்கமும்

            ஆண்டென்னைப் பாதுகாத்து

                        வந்தார் எந்நேரமும்;

            ஆ! போற்றுவேன் தேவன்பை

                        ஆனந்த கடலில்

            மா அருள் ஜோதி வீசும்

                        பேரின்ப தேசத்தில் .

4.         நல் நித்திரை செய்து பின்பு

                        மாசற்றெழும்புவேன்;

            என் மீட்பரை நான் கண்டு

                        ஆனந்தம் அடைவேன்;

            ராஜாதி ராஜன் என்னை

                        அழைக்கும் நேரத்தில்

            மா அருள் ஜோதி வீசும்

                        பேரின்ப தேசத்தில் .

5.         தன் ஆடையைப் பாராமல்

                        பர்த்தாவின் முகத்தை

            பத்தினி நோக்குமாறு,

                        நான் ஜீவ க்ரீடத்தை

            நோக்காமல், மீட்பர் மாண்பை

                        பார்ப்பேன் அவ்வேளையில்;

            இம்மானுவேலே ஜோதி

                        பேரின்ப தேசத்தில்!